Ku biro by’itora twasuye mu karere ka Rubavu, ku isaha ya 14h30 twsanze abakozi b’ itora barindiriye ko isaha yo gusoza igera kuko abantu bari barangije gutora.
Ku ishuri rya kiriziya mu mujyi wa Gisenyi ku isaha ya 15h00 barimo bakira indorerezi naho ishuri ryo kumusigiti abaturage bari baje gutegereza ibarura.
Abaturage twaganiriye bavuze ko nta muvundo waranze amatora bitewe nuko hashyizweho henshi ho gutorera.
Kuri site ya Kiriziya ngo abantu bitabiriye cyane nubwo nta mirongo yahagaragaye, cyakora mu gihe cyo gusoza habonetse abagishaka gutora bafungiweho badatoye.
Ku bigo byatoreweho buri cyumba mukubara amajwi hagiye habonekamo indorerezi nubwo hari aho zabaye nke mubyumba.